.
×

BE: Dialogu teknik “çelës” për dialogun e fazës finale



Botapress 23 Tetor – Dialogu teknik në mes të Prishtinës dhe Beogradit është duke vazhduar.
Dialogu teknik në mes të Prishtinës dhe Beogradit është duke vazhduar, për shkak se ky dialog, do të përcaktojë edhe takimin e ardhshëm të dialogut të fazës finale, transmeton lajmi.net.

Kështu ka bërë të ditur sot Maja Kocijançiç, zëdhënësja e Përfaqësueses së Lartë të Bashkimit Evropian, Federica Mogherini.

Kocijançiç ka thënë për agjencinë e lajmeve “Beta”, se “duhet të caktohet data e takimit për dialogun e fazës finale në mes të Beogradit dhe Prishtinës”.

Kocijançiq po ashtu ka folur edhe për qëndrimin e Bashkimit Evropian mbi situatën aktuale politike në Kosovë dhe konfliktet në mes të Kosovës dhe Beogradit për formimin e ushtrisë së Kosovës.

“Vlerësimi ynë i gjendjes së dialogut pra është qartësisht i ndryshëm”, ka thënë Kocijançiç, duke nënkuptuar për ushtrinë e Kosovës, përcjell lajmi.net.

Kujtojmë se dialogu teknik në mes të Prishtinës dhe Beogradit është bllokuar tash e ca kohë, për shkak se Serbia nuk i ka zbatuar marrëveshjet e arritura në Bruksel, ndërkaq pala serbe po pretendon se pa krijimin e Asociacionit të Komunave me shumicë serbe, ky dialog nuk ka kuptim.